Útiklifur í samstarfi við Klifurfélag ÍA og Smiðjuloftið

Klifurfélag ÍA í samstarfi við Smiðjuloftið efnir til útiklifurs í Akrafjalli í góðviðrinu á mánudaginn27. maí frá 19.00-21.00. Áhugasamir hittast við bílastæðið við Berjadalsána kl. 19.00, þar sem hægt verður að leigja klifurskó frá Smiðjuloftinu (300kr). Klifrað verður í grjótglímu, þ.e. í lágum klettum með dýnur fyrir fallundirlag. Voumst til að sjá sem flesta. (Ath. að þátttakendur eru á eigin ábyrgð í klifri).